NBA: Ubang players dili gusto manuwa

Bisan pa man tuod og aduna nay pagtugot gikan sa NBA board of governors, pipila ka mga players ang nagpanagana lang gihapon nga mobalik og duwa alang sa 2019-2020 season taliwala ning coronavirus disease (Covid-19) pandemic.

Gikatakdang mobalik ang regular season sa naghinapos nga bahin sunod buwan, diin ang tanang duwa sa NBA adto ipahigayon sa Disney World sa Orlando, Florida.

Apan sigon sa taho ni Adrian Wojnarowski sa ESPN, ubay-ubay sa mga players nga misalmot sa conference call diin gihisgutan kon unsay ilang mga panahom ning pagbalik sa mga duwa, ang daw sa dili interesado nga mobalik og duwa.

Ang NBA ug ang NBA Players Association ang gipaabot nga sabutan ang pipila ka mga provision nga gikinahanglan sa pagsugod na unya sa season.

Matod pa nga ang liga dili mosilot sa mga players kon dili moduwa basta anaa lang kini sa panimalay nagpundo, apan makuhaan ang suweldo niini sa matag duwa nga sila mipalta.

Dugang sa ESPN nga ang ubang gipadayag sa mga players naglakip usab sa ilang kabalaka sa ilang pamilya, kahadlok sa Covid-19 ug uban pa.

Pananglitan kon ang player adunay problema sa panglawas nga maoy rason nga dili siya makaduwa sa pagbalik og sugod sa season, tugotan siya nga magpaubos sa independenting medical examination.

Sa maong sitwasyon, ang player mahimong magpundo na lang sa ilang balay nga dili mapahamtangan og silot.

Sa pagbalik unyag pagsugod sa NBA, ang tanang players sa 22 ka mga teams anha pa istahon sa Florida resort nga susama ra usab og gikuwarantina sila hangtod nga matapos ang season. / JBM