PODCASTS: Mga akda ni Rizal, binigyang-tinig

Malaki ang papel ng mga akdang isinulat ni Dr. Jose Rizal sa pagmulat ng kamalayan ng mga Pilipino noon. Kilala si Rizal sa kanyang mga nobelang Noli Me Tangere at El Filibusterismo, ngunit mula pagkabata, marami na siyang naisulat na mga tula, liham, at sanaysay na naging inspirasyon ng mga Pilipino para simulan ang rebolusyon at labanan ang pagmamalupit ng mga banyaga.

Para bigyang pugay ang ating pambansang bayani sa ika-150 na anibersaryo ng kanyang kaarawan, binigyang-tinig ng ilang artista at mga mamamahayag ng GMA News ang mga akda ni Rizal —mga tula, liham, at linyang halaw mula sa kanyang mga nobela.

Si Cesar Montano, na nanalo ng mga parangal para sa kanyang pagganap sa pelikulang "Jose Rizal," ang nagbasa ng mga linya sa kabanatang "Simoun" mula sa nobelang El Filibusterismo. Ang komedyanteng si Leo Martinez naman, na lingid sa kaalaman ng marami ay isa ring aktor sa teatro, ang nagbasa ng makabagbag-damdaming tulang "Mi Ultimo Adios."

Binasa ng mamamahayag na si Kara David ang liham ni Rizal sa mga kababaihan ng Malolos, kung saan inihayag ni Rizal ang kanyang pagnanais na mabigyan ng pagkakataon ang mga babae na makapag-aral. Samantala, ang reporter naman na si Oscar Oida ang nagbasa ng isang liham na ipinadala ni Rizal sa kanyang pamilya noong siya'y nakatira sa Europa.

Sa mga susunod na buwan, magpapatuloy ang GMA News Online na mag-upload ng mga binigyang-tinig na akda ni Rizal, nang sa gayo'y mapakinggan ng marami ang mensaheng nais ipaabot ng mga akda ng ating pambansang bayani, na kahit isinulat mahigit isang siglo na ang nakararaan ay nananatiling makabuluhan hanggang sa kasalukuyan.

Paunawa: Maliban sa "Mi Ultimo Adios," ang mga akda na binasa sa mga audio recordings ay sadyang pinaikli.

Sources:

"Mi Ultimo Adios"
Tagalog translation of original Spanish text by Jose Gatmaitan.

"Sa mga kababayang dalaga sa Malolos" (Excerpts)
Taken from: http://joserizal.info/Writings/Other/malolos_tagalog.htm

"Simoun" from Chapter 7 of El Filibusterismo (Excerpt)
Source: El Filibusterismo, translated by Virgilio Almario. Adarna House, 1999. pp. 49-50

"Buhat kay Rizal para sa kanyang mga magulat at mga kapatid" (Excerpts)
Source: Rizal, Jose. Pakikipagsulatan ni Rizal sa kanyang mga kasambahay, 1876-1896. Pambansang Komisyon ng Ikasandaang Taon ni Jose Rizal, 1964.

Podcast producers: Pia Faustino at Candice Montenegro
Podcast interface developer: Wayne Manuel

Mga litrato nina Candice Montenegro at Joe Galvez, ideya ni Sheila Paras.

— TJD/HS, GMA News

Editor’s note:Yahoo Philippines encourages responsible comments that add dimension to the discussion. No bashing or hate speech, please. You can express your opinion without slamming others or making derogatory remarks.

  • The return of Gigi Reyes Ellen Tordesillas, Contributor - The Inbox
    The return of Gigi Reyes

    By Ellen T.Tordesillas This is going to be fascinating. Atty. Gigi Reyes, former chief of staff of Sen. Juan Ponce-Enrile who is included among those accused of plunder in connection with the misuse of Priority Development Assistance Fund, came back … Continue reading → …

  • Viernes Santo in Kalibo VERA Files - The Inbox
    Viernes Santo in Kalibo

    Photos by Little Wing Luna, VERA Files Text by Mitch Meñez Kalibo, Aklan--Viernes Santo or Good Friday is the most solemn of all the days in Holy Week. It commemorates the Passion and Death of Jesus on the Cross. The … Continue reading → …

  • Hugas Dugo VERA Files - The Inbox
    Hugas Dugo

    Text by Kimmy Baraoidan, VERA Files Photos by Chris Quintana and Kimmy Baraoidan Pakil, Laguna--In the small town of Pakil, Laguna resides a group of men who call themselves Hugas Dugo. Most members of the group are residents of the … Continue reading → …

POLL
Loading...
Poll Choice Options