Taal mibuto, 300K gipabakwit

GIISA na sa Philippine Institute of Volcanology and Seismology sa level 4 ang alert status sa Taal Volcano niadtong Dominggo sa hapon, Enero 12.

Niabot usab sa 300 mil ka mga residente sa Batangas ang gipabakwit ngadto sa mas luwas nga lugar human nibuga og abo ang bulkan.

Matod ni Phivolcs Director Renato Solidum nga ang nibuga og abo ang main crater sa Taal Volcano sa alas 2 sa hapon kagahapon.

Nabantayan ang pagtay-og sa yuta sa Volcano Island ug sa mga barangay sa lungsod sa Agoncillo sa Batangas.

Ang lokal nga kagamhanan sa Batangas nimando na og pre-emptive evacuation duol sa bulkan apil na sa mga lungsod sa Balete, Talisay ug San Nicolas alang sa kaluwasan sa mga molupyo didto. (SunStar)